Mutrikuko Parrokiko kanpaiek Donostiako Itsas Museoaren eta Portugaleteko Itsas eskolakoaren kanpaiekin bat egingo dute, ondoren Itsas gizonaren aldeko elizkizuna ospatuko da eta bertan Donostiako Antiguoko Elkarteko artileroak beraien fusil eta kanoiak sutuz biktimak oroituko dute.

Berrehun pertsona inguru bildu ziren Mutrikuko Santa Katalina konbentuan, Capilla Peñaflorida abesbatzak “IN EXEQUIAS PRAEFECTI CLASSIS CHURRUCA” lelopean eskeini zuen emanaldiaz gozatzeko.

Mutrikuko Udalak Kosme Damian Txurruka itsasgizon ezagunaren heriotzaren berrehun urteurrena gogorarazteko asmoz antolatutako ekitaldien artean Urriaren 1ean arratsaldeko 20:00etan Santa Katalina konbentuan izango den "Capilla Peñaflorida" abesbatza dugu.

Txurruka2005 ekitaldiaren baitan antolatutako "Txurruka, itsasoaren eta argien seme" erakusketak dagoeneko bi mila bat inguru bisitari izan ditu eta hauek erakusketaren inguruan egin duten balorazioa oso positiboa izan da.

Mutrikuk Bisita Gidatuen eskaintza zabaltzean Mutrikuko udalerriak eskutatzen dituen altxorrak ezagutzeko aukera ezinhobea eskeintzen digu: Mutrikuko Bentalekua museora, herriaren erdigune historikoa ezagutzeko bisitak, Cosme Churrucaren inguruko erakusketa...

Bere garaian, Churrucaren itsasontzi izandakoaren –San Juan Nepomuceno– hondakinak ingelesen eskuetan geratu ziren eta, ganberaren ateburuan plaka bat jartzea agindu zuten, hildako jakintsu gipuzkoarraren izenarekin. Horrekin batera, bertara sartzen ziren guztiek txapela kentzeko agindua jaso zuten, hain baliotsua eta ausarta izandako gizon harekiko errespetuzko adierazpen gisa. Anaitasun espiritu berberak bultzatuta, eta nazio desberdintasunen gainetik, Mutrikuko herriak eta Britainia Handiko Trafalgar Woods Association elkarteak elkarlanean dihardute Mutrikun Britainiako haritz bat landatzeko eta Britainia Handian, berriz, Mutrikuko haritz bat landatzeko.

Datorren uztailaren 2 eta 3an, Cosme de Churruca y Elorzari buruzko erakusketa monografikoari hasiera emateko, Zientziaren Kutxaguneko Planetarium Txikia Mutrikura eramango dute, eta irekita egongo da larunbat guztian zehar.

Aurreko hilean zehar, Liburuaren Nazioarteko Egunarekin bat eginez, “Hodei azpitik, olatuen gainetik” izeneko ipuin lehiaketa antolatu zen. Lehiaketa horren gai bakarra Churruca, itsasgizonak eta itsasoa izan zen.